Hamid Iqbal Siddiqui: April 2017

Monday, April 17, 2017

غزل

حامد اقبال صدیقی

جدائیوں کے تصوّر ہی سے رُلاؤں اُسے

میں جھوٹ موُٹ کا قصّہ کوئی سُناؤں اُسے

اُسے یقین ہے کتنا مِری وفاؤں کا

خلاف اپنے کسی روز ورغلاؤں اُسے

وہ تپتی دھوپ میں بھی ساتھ میرے آئے گا

مگر میں چاندنی راتوں میں آزماؤں اُسے

غموں کے صحرا میں پھِرتا رہوں اُسے لے کر

اُداسیوں کے سمندر میں ساتھ لاؤں اُسے

مزہ تو جب ہے اُسے بیڑ میں کہیں کھودوں

پھر اُس کے بعد کہیں سے میں دھونڈ لاؤں اُسے

یہ کیا کہ روز وہی سوچ پر مسلّط ہو

کبھی تو ایسا ہو، کچھ دیر بھول جاؤں اُسے

کچھ اور خواب بھی اُس سے چھُپا کے دیکھے ہیں

کچھ اور چہرے نگاہوں میں ہیں، دِکھاؤں اُسے

وہ گیلی مٹّی کی مانند ہے، مگر حامدؔ

ضروری کیا ہے کہ اپنا ہی سا بناؤں اُسے

غزل ۔ حامد اقبال صدیقی

About Me